صوت
ياطيبن طيبك على طيب جدك
جتك القصيدة يا محمد بقرطاس
جتك البيوت وعطني اليوم صدك
هات الكلام اللي يوازن بالالماس
يابوزبن عطني دليلك وردك
وين القصيد اللي تقوله عن الناس
ان كان صفحات الشعر دوم ضدك
ترا رفيقك يشرب الهم في كاس
وان كان فيه احد نوا هدم عدك
حذرا يصيبك من تدابيره الياس
كم في وطنا من رجال تشدك
تعنا بنقل الشعر صافي على ساس
انص الذي لا من نصيته يسدك
نسل الرجال الطيبه طير قرناس
قرم يقول الحق لو مايودك
يعنا بنشر الزين من فيض الاحساس
واهل الخزامى يدهم فوق يدك
وامثالهم واجد على درب الاشواس
هاني بن محمد السلوم