الرئيسية > خزامى الصحارى
صوت الصورة
أنا أشهد إن من صور البيت فنان
بيت قديم وله سنين عجافي
صور عموده كنه الجذع لا بان
جذع النخل اللي ورا البيت خافي
سعود بن سعد الحافي - الرياض
يا نخلةٍ من خلف الأطلال طلت
وكن العمود اليوم جذعٍ حملها
تبكي على ناسٍ بها الدار حلت
ناسٍ عزيزينٍ كلو من ثمرها
صالح أحمد اليامي - الدرعية
صورة خزامى هزت القلب والعين
عن التراث وشفت به قصر جدي
عن البيوت اللي بنوها من الطين
بوقت الظروف القاسيه والتحدي
فهد بن عقيل الطويان - بريدة
بيوتنا اللي شيدوها من الطين
تبقى بها الذكرى على مر الأيام
صرنا بعدها اليوم في عالم ألفين
نسكن بيوت معتقه جبس ورخام
سعد محمد الدماعين - البديع الشمالي
صوره بها بيتٍ من الطين منهد
يا أهل التراث أحموه خلوه تذكار
يحكي لجيل اليوم وأجيالنا غد
عن سيرة الماضي وتاريخ الأخيار
ناصر بن جمعان آل عوض - وادي الدواسر
شفت لي صوره جديده بالخزامى
صورة النخله ورا بيتٍ قديم
طايحٍ سقفه وجدرانه تواما
والعوامل حطمته وأصبح حطيم
عقلا خزن العنزي - تبوك
هذا الزمن خلاك يا دار أطلال
ياما شرب فيك الأجاويد دله
واعتلت وراك بشموخ واجلال
نخله ياما ذكرها كتاب الله
سعود عائش التميمي الحربي
هاذي بقايا أطلال في ديرة العز
الطين طايح والنخل باقياتي
لا شافها راع الهوى خافقه فز
يذكر ليالي عزه الماضياتي
مشاري بن خالد الدعجاني - شقراء
صوره غريبه من نظرها استغرب
وشلون نخله باسقه فوق العمودي
يا ابن جبر العقل منا تكهرب
منظر واضح ما يبي له اشهودي
خالد بن ناصر المخيمر - روضة سدير
يا ابن جبر هذي حياة الماضي
النخل بيت الطين والقلبان
واللي ملك حلال فهو المترف
عايش سعيد ويشكر المنان
ماجد عبدالعزيز الثميري - المجمعة
عصر الدهر يمضي وتبقى ذكريات
وبيت النخل باقي على روس الأشهاد
مهما تهدم شامخ له علامات
والله من جيل بنا فيه الأمجاد
حمد عبدالله الوايلي - حوطة سدير
العمود اللي صمد من أسسه جوّد بناه
دارت الأيام ومن حظه تعلته نخله
استراح بظلها وانزاح عن متنه عناه
شاعر غنى بطاروقه بعد ما كمله
سليمان الرفيق - الرياض
عقب المعزه وناس فيه
بيت اللبن يلفض أنفاسه
والنخله وقف وكتب توجيه
لحد يقص جذعها بفاسه
سعود بن عبدالعزيز الهزاع - نعام
يا نخلة بانت ورى غرفة الطين
روّح زمان الطين وأنتي بقيتي
أنتي على وجه البسيطه من أسنين
والاّ نبتك الله بعدما بليتي
فهد سالم المصارير الدوسري - الخرج
هذا الزمن شوفوا بيوت للاجداد
يا ابن جبر كيف أهلها لو يشوفون
هذي بقايا نخيلهم وين الاجواد
وين النشاما لعهد الاسلاف يحييون
محمد بن عبدالعزيز الخنيفر - أشيقر
أطلال ترسم لنا صوره
ماضي عريق للاجدادي
كيف الزمن كان وعصوره
يحكيه الأبناء للاحفادي
سبيتان بن شرار العنزي - بريدة
النخلة اللي باسقه شامخه فوق
قالت قفا نبكي على آثار الأجداد
وأسترجعت ماضي عن الحاضر فروق
عصر التطور في البلد قام يزداد
عبدالحكيم طلق العضياني - الرياض
ما شفت منها إلا الخضار وجريدها
والصرح والذكرى علينا يعيدها
وليا نضرنا فيه نضرت تأمل
حنت على الفاقد مشاعر فقيدها
جسار مهدي السبيعي - الرياض
ياوجد حالي على تاريخ الأجداد
دار الكرم والعز أضحت مبانيه
موروثهم يبقا تليد للأحفاد
ولاخير في منهو نسى اليوم ماضيه
دهام بن محمد دابس المرخان - تبوك