باختلاف الفصول ذاب ذاك الجليد
مارد الحب كسر كل ذيك القيود
تنفجر بي براكين الهوى من جديد
مايفيد العذل الدمع شق الخدود
في محيط الغرام اليوم مبحر وحيد
لي طموح عنيد ما تحده حدود
قلتها والمشاعر كلبوها قصيد
خفرة جزمتني ماعلى البيض زود
استفزت بي الأشواق في يوم عيد
جيت أبدفع هواها وأسرعت بي سنود
جيت أبنزل ولكن الوريد الوريد
باليدين التوى ولاتفيد الجهود
رحت معها بيدها غصب لم البعيد
ميت بالوصال وميت بالصدود
في فضا النفس شي قال هل من مزيد
هيجان العواطف عقب ذاك الركود
إستياء وقبول ومزج ماهو فريد
شي ماهو طبيعي كل يوم يزود
شاردات المعاني الذهب والحديد
كل من له عليه وكل طيب محمود
لوحت باليدين خضاب وعد ووعيد
مات زهدي معه وأقفى ببرق ورعود
صيف وإلا شتى لكن ذاب الجليد
مارد الحب كسر كل ذيك القيود
صالح بن ناصر الحلافي