دمعي تحدر بعد فرقاك ياخال
وحرق جفوني واشتعل فوق الأهداب
وصرت الغصن مع هبة الريح لا مال
تطيح أوراقه وهو ما بعد شاب
وياسائلٍ عني وتنشد عن الحال
حزني كبير وجاب للفكر ما جاب
هم الفراق أصعب هموم على البال
يقسى كما تقسى على الأرض أطناب
ويا حسين والدكم له القلب منزال
والكل ايحبه ما بها شك وارياب
يكفي قبل فقده ترك اروع امثال
يسأل عن أهل البيت واللي لنا أقراب
هو حسبة الوالد وكنا له اعيال
نوله على شوفه ومزحه لنا طاب
ما انسى سواليفه وحنا على جال
في مجلسه نضحك ولا فيه أجناب
صحيح تتبدل مع الوقت أحوال
وصحيح نور البدر يفقد إلي غاب
اعمارنا تفنى وتختم بالآجال
واقدارنا كتبت من الله بكتاب
هذي سنن ربي على مر الأجيال
محدٍ نساه الموت حضر وغياب
يالله عسى قبره عليه المزن سال
وينبت عليه الزهر وتفوح الاطياب
- الرياض
1
يالله،
مااصعب الفراق،
صح لسان ياخوي،
حصه - زائر
04:17 صباحاً 2007/05/23
2
الله يرحمه ومشاعر صادقه وفياضه
slel_almgd@hotmail.com
نواف بن محمد - زائر
08:55 صباحاً 2007/05/23
3
الله يعظم اجرك وصح لسانك
ابو سلطان - زائر
01:35 مساءً 2007/05/23
4
رحم الله خالي وخالك
ورحم الله جميع أموات المسلمين
وترى ما ينفع الأموات سيل المزن
ولا فوح الاطياب !!
ما ينفعهم بإذن الله وتوفيقه إلا الدعاء لهم بالمغفرة والرحمة.
فاكثروا من الدعاء بالرحمة والمغفرة
لجميع المسلمين الاحياء منهم والاموات.
njwa2007@gmail.com
njwa abdullah - زائر
03:08 مساءً 2007/05/23
5
ايه والله ما أصعب الفراق يا ناس هدا حال الدنيا ادا فقد أنسان غالي عليه الله يصبرة
حلمي آل بدوي - زائر
08:26 مساءً 2007/05/23
الارشيف | اتصل بنا | خدمةRSS | النسخة الكاملة | الإعلانات المبوبة