@@ الى الدكتور معكوس ما رأيك بالطائرة الهلالية وتحقيقها البطولة الخليجية للمرة الثانية على التوالي وتمثيل الوطن خير تمثيل الا ترى انهم "انظلموا" وماحد درى عنهم.
مع تحيات عبدالمجيد الجريان
- سدير
@ البركة في القناة الرياضية اللي مهتمة بأندية القاع عشان خاطر سعادة "المعدين" اللي يسوون ما يبون.
@@ صديقي معوكس بحكم اني هلالي فاللي اشوفه ان سامي الجابر هو من يقود الفريق للفوز في اغلب المباريات الأخيرة رغم كبر سنه فهل توافقني واذا ماعجبك رأيى عطنا رايك.. يا حبيلك.
احمد الشبيلي - الرياض.
@ وين كبر سنه وروماريو عمره تعدى الأربعين ويبغى يسجل الهدف الألف وغيره نسمت الكورة وهم يقولون عنه "برعم".
@@ السيد معوكس المحترم ايش رأيك بالزعيم يتأهل للآسيوية اولا.
دخيل سعد القحطاني.
@ على حسب اجواء طشقند
@@ يابو العواكيس لماذا لجنة الانضباط اوقفت اسامة المولد ولم تعاقب حسين عبدالغني.
حامد البلوي - جده
@ في "الصيف" ضيعت اللبن
@@ الى فاكهة الجمعة ليش عبدالله الجمعان اخذ كرت احمد مع الاهلي في مباراة الاتحاد.
ناصر الناصر
@ عشان يبين لهم انه مخلص بالحيل وفدائي
@@ الى صديق الجميع معوكس اتمنى ان تفسر لي كلمة "قرنبع" لأني ما اعرف معناها.
صديقك - فيصل الخالد
@ يا صديقي هو مصطلح دارج بين "الشريطية" واصحاب معارض السيارات ويعني سيارة لك عليها للمشتري واحسن شيء عندنا.
@@ صديقي الموقر يقول رئيس الحزم ان الاتحاد فاز بالتحكيم هل هذا الكلام صحيح.
عبدالله فهد - الرس
@ تصريح مع وقف التنفيذ والتفعيل والسبب عند صحافة الريس.
@@ الى احلى معوكس في الدنيا "الرؤوس الخفية" عبارة جديدة اطلقها رئيس ناد في الممتاز فماهو قصده.
رنا ابو رنا - الرياض
@ يقصد مسلسل عربي جديد على غرار "باب الحارة" على الا يكون البطل "سطيف".
@@ يا سيدي المحترم الاستراليون طلبوا من افراد منتخبنا الأولمبي غسل احذيتهم قبل النزول الى المطار.
نبي منك "خطة" للرد على تصرفهم.
ناصر حمد الحمد - القصيم
@ ما يبيلها خطة يفتحون اللعب على الأطراف والغزو من العمق على ان يكون توقيت المباراة في "عز القايلة" والملعب في الصمان.
@@ ليش انت يا معوكس جريء ولا يهمك احد ارجو عدم تصريفي.
اخوك صحن قايم - حفر الباطن
@ ليش.. نور وعبدالغني احسن مني حدها ايقاف ثم عفو قبل ما انفذ العقوبة.
@@ الى صاحب ملايين الرسائل يقولون ان دينلسون مشتكي النصر.
خالد رفيق
@ مسكين هالبرازيلي يوم جاء كانت الزفة من المطار للعريجا ويوم رجع حتى "ليموزين" مالقى في حارتهم.
@@ محبوب الجميع مستر.. معكوس تحية طيبة وبعد.. ما رأيك باللاعب ياسر القحطاني في الهجمات الصعبة قوول (ما شاء الله) في السهلة (لا حول ولا قوة الا بالله).
عبدالعزيز سليمان الحسين - الرياض
@ ناقصك تجلس في المنصة وتنزل لك دمعتين "رايقة"
@@ السيد - معوكس المحترم لو اعطيك ثلاث باقات ورد لمن تهديها بكل صراحه
احمد علي العنزي - الرياض
@ ياليت بدال ما تعطيني الباقات تعطيني قيمتها وأنا اتصرف
ابلاغ
التعليق مقفل لإنتهاء الفتره المحدده له
