هذه قصيدة رثاء للراحل طويرش بن محمد الودعاني الدوسري رحمه الله:
يا الله ياللي كل من قام ناداه
يا منزل ما في الكتب من حروفي
تخلف علينا في قصيرٍ فقدناه
راحت به اركابه وحنا نشوفي
جاه اجله المحتوم تقرع مطاياه
غصبا على غير الهواء والشفوقي
دنيا بعيداً غيبها ما لحقناه
ما من كدرها سالماً اللهوفي
فلعل يسكن جنة الخلد ماواه
بحق الذي باحوال خلقه رؤوفي
يأخذ كتابه بو محمد بيمناه
ويلقى ثمر زرع بذره مخلوفي
وعسى المطر لاهل وانشت رفاياه
لا قرب من قبره يهل القتوفي
ويا الله عسى الجنة مصيره ومثواه
طويرش اللي للنشامى عطوفي
عريب جداً والوداعين مجناه
ربعاً نباهم للرجال معروفي
شهم كريم يحمده كل من جاه
سمح النباء مقتي الغنم للضيوفي
الله يبيحه عد نوا نثر ماه
وعداد حجاجاً ببيته تطوفي
خلف حرار تكسب الطيب شرواه
تقضي اللزوم وفي المواجيب توفي
لهم سلامي والتحية مثناه
للحي والميت تثنى ألوفي
وصلاة ربي بأول القول وأتلاه
على نبي شافع للصفوفي
سعد عبدالرحمن آل جمان القحطاني