الخميس 27المحرم 1428هـ - 15فبراير 2007م - العدد 14115

قراءة في أوراق شاعر ..

الشاعر مناور يطل بصحبة الدحة والدبكة والربابة من بوابة الشمال

---

القريات - عبدالله الرويلي:

الشاعر حامد مناور من ابداع وتألق يرسم لوحات شبابية شعرية في عالم الشعر فهو شاعر الزمن الجميل والذي يأتينا من اقصى الشمال من بوابة الوطن مدينة الزيتون او الملح متأثراً بما تحمله مدينته من مميزات لعل البرد كان اهمها..

يقول حامد :

أنام والقاه قدامي وافتح

والقاه أبعد من احلامي وانام

أيضاً !!:

كل يوم أكثر من اللي قبله احتاج

مدري متى لا صحيت القاه قدامي !!

وهاهو الياسمين يفوح من بعض ابياته الغزلية المفعمة بالحب:

أجمل العمر طفل من الحنين

كان يسقي جروحي ثم تاب

طوحي بي لهاك الياسمين

وان تكاثرتها عادي شباب

أعشقيني كثر ما تقدرين

واعشقك كثر كرهي للغياب !!

أجرح القلب يا خلي حلال

أجرحه كانك بجرحه سعيد

ثغر كنّه يناديني تعال

صدر كنّه يقول ابعد بعيد

مابه إلاّ وصوفٍ ما تقال

وين ما طاح بشباكه يصيد

وفي الحكمة يتحدث شاعرنا عن ذنوب العمر وعن صمت الليل:

العمر لو كل ذنبٍ ينقرابه

كان ما فيه اجودي إلاّ نذمه

@@@@

يقولون النهار عيونه اكبر من عيون الليل

..وانا اقول انك اكبر من جميع الناس في عيني

أما بعد: نص: الفكرة نهابة!! ودحه ودبكه وربابه كيف لا وهو ابن الشمال يتغنى بموروثه الشعبي وبشعره الغزلي حامد مناور يخاف من بكرة:

قال بكره وقلت آخاف من بكره

..خايف يصير شي وءماتءهنابه

غاليٍ لا ضحك يجي لها سكره:

.. ضحكته، وان تبسم غار عنابه

جادله شعر محدٍ قبلي ابتكره

..قامته: بال قرمٍ نوّخ ركابه

أحتكر كل زين وقلبي احتكره

..ليتني حلم وأسولف مع اهدابه

له عليّه وانا مستانس افءتكره

..وان تضايق فانا لكل الفضا بابه

إن جلس عرّف العالم وهو نكره

..وان وقف دحه ودبكه وربابه !!

كيف يطري وهو ما ينسى ذكره

..كيف الومه وانا اللي

شاري اعتابه

نص العيد: كتب على لسان باغته العيد وهو بلا أب !! مشاعر يتيم يشكو الم فراق ابيه في يوم العيد ابيات تنهمل معها الدموع لتقتل فرحه العيد السعيد في قلب هذا اليتيم:

أدري ان اليوم يوم العيد يمه

بس عيد العام يايمه لحاله

يوم ابويه حي كان العيد لمه

كان صبحه غير كنت اجمل وداله

كيف اصلي من يوديني واضمه

والبس شماغه ويعطيني عقاله

وان تضايق دنق لراسي وشمه

قال يارب احفظه وادمح خماله

وان رجعنا من صلاة العيد همه

يشتري ما أطلبه من حر ماله

والردي لا لاح له لازم يذمه

ومن مقتطفات شاعرنا الذي يصف حبه لنا صوره اخرى من صور العشق والغرام:

نايم وانا ماخذ على خاطري منك

..وشلون تقدر لو أنا كان مانمت

أنا بحبك تقل جالس على بنك

..ما ينتهي لو اصرفه كل ما قمت

حبك دمار وبهدله مير ما عنك

..أحلا عذاب اللي معك بس ما دمت :

تشوف حالك رايح آجيك وادفنك

..بين الضلوع، اسمع تراني تعلمت !!

وهنا ينقلنا الى عالم الحداثة الى الاتصالات ودق ابواب القلوب عبر ابيات تهمس لنا بسلاسه المعنى وجزالة الالفاظ:

أنا أحس بداخلي ألف سكين

..إذا حصل أي شي بينك وبيني

أنتي هنا بالقلب لكن أنا وين

..أحيان اشك انك تموتين فيني !!

ومواصلة الالو عبر الهواتف الشعرية التي ترتسم بين ابيات حامد مناور لتشرح لنا الحب الجديد في عالم الشعر

حتى لو تنسى تقول مءع السلامه

..أنت حتى سكوتك آحسّه كلام

حيل احبك والألو والأبتسامه

..من شفاتك غير عن كل الأنام!!

وهذه بعض المقتطفات الشعرية التي اخترناها من شعر حامد مناور

أنت غايب ولكنك معي

..ما نسيتك عشان اتذكرك!!

ما جيت للشعر متفرج ولاني كذا..

لي أصعب الشعر والعادي تركته لهم