الجادل اللي ليامن جابها الطاري
تمر في خافقي وتغير أوضاعه
ويفز فزة غلا واستنفر أشعاري
وأقول يا شعر قول السمع والطاعه
مع طيفها ما لنا مجنب ومعذاري
من وين بنروح قلي.. دقت الساعه
يختارشعري وأنا مع شعري احتاري
لحظة تأمل وفيه الشوق وأنواعه
يزيد شوقي وتستوقفني أفكاري
واغني القاف منكوسه وروباعه
اطرب غلا من غلاها زان مشواري
في حبها دوم مع روحه ومرجاعه
بنت المعزة على عز ومقداري
من لا منى في هواها ضايع ضاعه
ومن لا مني في المحبة ما هو بداري
قلبه خلياً ولا درب الهوى لاعه
ما مره الشوق مع ليل الغلا ساري
ولا يسبح بحور ذكرى الحب بأشراعه
لا واهنيه تريح زين واختاري
ما اتلاف قلبه من الأيام بأضلاعه
وأنا من الحب هذه جملة أخباري
أسبح مع البحر ما حصلت له قاعه
مازن ماثل العوني