قال يابعيد الهقاوي ليش صامت ما تردي
كل ما نسألك عن سر ابتعادك ما تقوله
قلت ويش أقول والساحة تردي في تردي
ترفض الانصاف غير لواحد يدفع عموله
يوم جيت أفجر الابداع وأعلنها تحدي
شاعر أطاول بحرفي شي ما كل يطوله
وارث الامجاد والطيبة من أبويه وجدي
ما تعلينا سنام الصيت والطيب بسهوله
لو تحدتني ظروف الوقت ما بيحت سدى
لي بميدان الفخر والمقدرة صوله وجوله
شامخ مثل الجبل قاسي صعيب ما يهدي
واضح مثل النهار ليا جلا الظلما حلوله
وافي مثل البحر ما بين جزر وبين مدي
ممطر مثل السحاب ليا سقى البيدا هطوله
إن كتبت الشعر فاح من الشذى كادي وندي
وانكسر من حرفي المشحون فالقرطاس توله
وان وصفت الود مليت الغلا روعه وودي
تستشفه كل روح عاشقه طيب ورجوله
ويوم شفت الوضع ما يعجب عزفت وقمت أصدي
عزتي لو تنقسم تكفي لها سكان دوله