سرى البارق اللي سار غيمه من المنشا
يزف الرعود ويجذب القلب براقه
صدوق حقوق باشر الارض بالرشا
وصدّق سحابه مع ضياء الصبح واشراقه
بروقه على دار لها ناوي الممشا
علي اللي تعبر الجو وتلوح بآفاقه
لجل واحدا لجلي بسر الغلا مافشا
شفوقا على لقياه واشكي من فراقه
حبيبي طبيبي في فوادي بنا وانشا
جبال الغرام اللي بها صخور عملاقة
احبه واهليبه وله بالحشا وحشا
وقلبي من الأشواق هم الغلا ذاقه
وانا اليوم غاشيني من الحزن ما يغشا
شواطي غشاها الموج عقب الهوى ساقه
كما امروا بن القيس وزهير والاعشا
ااعدي على الاطلال واصارع اشواقه
صويب الضماير يا علي كيف ما يخشى
من الحسره اللي ما له بجورها طاقه
بعد صاب قلبه يا علي واهج ورعشا
يناشد خبيرا بالهوى كثار عشاقه