1

الله يرحمهم وان كنت جالس اشوفهم الدفاع المدني ماقصر جلست الين الساعه 4 وجيت ولقيت الخبر

2

اللهم أعن أهليهم على مصيتهم
وجزا الله خيرا الدفاع المدني على ماقدمو ه
وااكد على الحرص الوقائي للعمال
لأنهم إخواننا يسعون في خدمتنا
رحمة الله عليهم

3

هذا ما تشهده شوارع الرياض وجميع مدن ومناطق المملكه عدم اهتمام وبلا مراقب.
تقوم الشركات المتعاقده مثلا مع شركه الاتصالا او شركه الكهرباء او اي قطاع اخر باعمال صيانه وحفريات بدون ما يوجد اداره متخصصه بالسلامه سواء كان سلامه العمال او سلامه الماره.

4

يا سبحان الله !
أنا ما أدري وش قصة التجمهر في هالديرة ؟ يا أخوان عندنا تجمهر أعتقد لو صنفنا في العالم لأحتلينا المركز الأول بدون منازع !!!
يعنى إلى متى ونحن على هالحال ؟؟ لا وتلقى تجمهر على الفاضي.. يعني لا فزعة ولا نخوه.. وجهل في معرفة أبسط الأشياء في الأسعافات الأولية...
لماذا لا يوضع طوق من الشريط البلاستيكي في مثل هذه الأحداث من قبل الدفاع المدني ؟
لماذا لا تدرس في مدارسنا بكيفية التعامل مع هذه الحالات من الحوادث والكوارث ؟
لماذا نحن جهال في معرفة أبسط الأشياء في الأسعافات الأولية ؟
حمانا الله وأياكم من كل مكروه.

5

الظاهر أن البلدية تغط في سبات عميق، لا ومن زين الطبايع إذا رحت تجدد الرخصه أخذوا ضريبه 150 ريال للطرق المعفنه اللي طالعين فيها الواحد لو يمشي قطوع أزين.

6

اتركونا من موضوع بسالة الدفاع المدني،،
الحفره ياجماعة قسماً بالله صار لها اكثر من شهرين،، والله العضيم انك اذاجيت تبي تشوفها من فوق تدوووخ!
وعلى فكره تدرون انه كل اسبوع تطيح قطعه من الزفلت اللي حول الحفره بسبة ضعف التربة اللي فيها الحفره!!! والعالم رايحه جايه من حولها لأن قدامها بالضبط زي ماتشوفون بالصوره اللي فوق المبنى البيج مدرسة ابتدائي ومتوسط وثانوي!
ياناس اطفال يمشون بجانب الحفره !!
قال ايش قال البلدية مجتمعين علشانهاا قامت بتنفيذ فتحات التفاف محكومة بإشارات ضوئية وذلك كما في تقاطع طريق الملك عبدالله بن عبدالعزيز مع كل من طريق الملك عبدالعزيز وشارع العليا العام وطريق التخصصي وغيرها من المواقع الأخرى.
صراحة شي يجيب الغثيان!@@
الله يخلف علينا والله نمشي بالبركه

7

السلام عليكم
ياأخوان الحفره قريبة من منزلي وكان الانيهار حوالي الساعة 9:30 مساء..ولا انتهى الدفاع المدني إلأ الساعة 4 الفجر..
معقولة 6 ساعات عشان ينقذون 3 عمال.. والله ماعندنا فرق إنقاذ والله انهم داجين..يالربع لو قدر الله وجانا زلزال مثل مايحدث في اي دولة..وش بنسوي..وهاذولا هم فرق الإنقاذ.. وانتوا عارفين ان الزلزال يصير فيه وفيات وإصابات كثيره..امس الدفاع جالس يتفرج والجمهور يوجهونهم. والله انها مهزله مع ان فيه ضباط ومراتب عليا..لكن للأسف والله فيه اكثر من ثلاثين مابين رجال امن ورجال طواري..وكل شوي جايه فرقه واريحه فرقه. مااقول إلا على إنقاذنا السلام

8

قسم متابعه الطرق ببلدية الروضه من اول اسباب هالمشاكل بشرق الرياض اهمال كبير وعدم متابعه ياجماعه الشوارع حفر ومطبات كل من حط له بيت جديد حط قدام بيتة مطب
كل ما انتهت شركة من مشروع وحفر ودفن بشارع يطلع عليك جبل مو مطب بالطريق وانماطلع لك مطب طلع لك حفرة تكسرك انت وسيارتك والموظفين بالمكتب يشرب شاى ويقراء جرائد
ياجماعه خافو الله فى انفسكم البلد محتاجه سواعدنا لبناءها مو جلسة على مكتب واسمى موظف ومسئول الا نهيار اللى صار البارح والقريب من بيتنا انااحط كل الا سباب على بلدية الروضه لها فترة طويلة هالحفر وكل فترة تنهار منها شى وقدام مدارس الفلاح طلبة ابتدائى وثانوى ومتوسط يمرون من فوقها كل صبح وكل ظهر لو انهارت هذى بفلذات اكبادنا كان حولتوها يالبدلية على الشركة لكن ما اقول الا الله يكون بالعون لا صارت بلدية الروضه بهالمستوى

9

سبحان الله كل لوم على البلديه انا لست موظف بلديه واينما كلمه حق ليه زي المشاكل هذي ليه ما تقدمت المدرسه المجاوره للحفره بتقديم شكوى على هذه الشركه او اصحاب المنازل المجاوره للبلديه والله كان انحلت قبل وقوع كل هذه الحوادث وليه ما يكون فيه تعاون مع الاجهزه الحكوميه وليه المرور ما يكون مسول مع البلديه (( المسول البلديه )) في كل طالعه ونازله ليه

مجرد راي

10

حسبي الله ونعم الوكيل انا للة وانا الية راجعون

11

الشركه تتحمل الجزء الاكبر من المسوليه والا مامعنى ان يكون هناك مهندسين ومراقبين للاعمال يوجهون هولاء العمال ويكونون مسولين عن سلامتهم وحسب ماسمعنا كانو يعملون في الليل فهل وفرت لهم الامكانيات الفنيه للسلامه اناره وسواند ترابيه او ان المهندسين يبيعون كلام ويبنون قصور في الهواء وعندما تحل مثل هذه المصيبه يخرجون منها مثل الشعر من العجين الحفره صار لها اكثر من شهرين والبهوات المهند سين رايحين جايين كل يوم يجب ان يتحملو المسوليه عن سؤ عملهم والله الموفق

12

من أمن العقوبة أساء الأدب، الرقابة.. الرقابة إذا توجهت ناحية الغرب من موقع الحادث ستجد حفريات أخرى داخل الحي، وضعوا تصريح من المرور على إجراء الحفريات ولكن تتعجب إذا رأيت أن التصريح منتهي له ثلاثة أشهر، السؤال الذي يطرح نفسه من يراقب هذه المشروعات ويعمل على التسريع في إنجازها ومتابعة الشروط الجزائية في بنود العقود التي توقع بين الشركة والجهة المختصة ؟!! أم أن هناك تبادل منفعة يتسبب في النهاية إلى مآسي لها أول ولكن ليس لها نهاية !

13

حسبي الله ونعم الوكيل, والله يجازي من كان السبب من شركه او بلديه او اي مسئول متهاون.

14

أوافق الأخوان أن الرقابة والمتابعة للحفريات وخاصة في المناطق الشعبيةمثل غرب الرياض وشرق الرياض تكاد تكون معدومة فالمؤسسات تنفذ أعمالها وتترك الحفريات مهملة ولمدة طويلةتؤذي الناس وتسبب خطورة على الأرواح والسيارات أضافة لمضايقة السير وموضفي البلدية وسيارات المرور وكأن الأمر لايعنيهم ولم يسمعوا بحديث المصطفى صلى الله عليه وسلم {كلكم راع وكل مسئول عن رعيته}