بديت باسم اللي له الناس شاكين
اللي جميع الخلق ترجي رضاته
واكتب قصيدة كل بيتٍ بشطرين
يوم رمضان اقبل وأسدل عطاته
اقبل علينا جعلها أيامه سنين
ويا جعلها مثل الدهر مقبلاته
اقبل علينا كنه الخير والزين
شهر عظيم عظم الله صفاته
شهر تربّط فيه كل الشياطين
يخسى به الشيطان ويذل ذاته
شهر الكرم والجود والطيب واللين
تلفي الخلايق في عطايا زكاته
شهر الصيام العون للمستضيقين
العبد يلقى الفوز فيه ونجاته
صمنا نهاره ونصف ليله مصلين
نستغفر الله ليلنا ما نباته
شهر به الأيام مثل البساتين
يزرع به المؤمن ويحصد نباته
شهر تنزّل فيه نور المطيعين
مصداق حكمه في كلامه وآياته
والله كريم وبالشهر فيه راجين
اللي توحد باسمه وفي صفاته
نطلبه وحنا له عبيدٍ مصلين
يتقبل الأعمال منا برضاته
يوهب لنا خير الهداية على الدين
ويبعدنا عن شر الهوى ومحدثاته
ويلم شمل المسلمين البعيدين
ويعزنا بالدين يدحر طغاته
ويفك أسر اخواننا في فلسطين
ويحرر البيت الشريف من عصاته
تمت وصلوا عد ما مر وقتين
على الرسول اللي شفيعه صلاته
محمد بن سعود العتيق - الرياض