السجن خمس سنوات و1000 جلدة لنشال البنوك في الرياض

1
مره كنت جالس في بنك وجاء ذاك الافريقي وقابل واحد في البنك انا كنت جالس احتري دوري ورقمي معي وكان جنبي واحد ينتظر المهم جاء الافريقي ذا ومسك واحد سعودي يعني مابيننا وبينه الا تقريبا متر ونص جاء ذا الافريقي وقال للسعودي بالله معك صرف خمس ميه حنا يالله نسمعه بس فهمنا انه يبي صرف قام السعودي ذا على نياته الضعيف وقام يبي يصرف له وهو شايفه يوم انتهى دوره من السرا في البنك الرجال كان ساحب له 40 الف حاط عشرين الف في مخبا والعشرين الثانيه في مخبا المهم جلس يناظر فيه تقريبا حول 20 ثانيه قام الافريقي ذا ومسك الربطه اللي معه وخذاها وحطها في مخباه وحط ايده في يد السعودي وراح يمشي هو وياه
ياولد
ياولد
الافريقي ذا هو يعرف ذا السعودي ولا لا
المهم شكيت في الوضع انا ورفيقي ذا اللي كان معي قال اللي جنبي عنه لحس مخه يقصد النشال ورحت انا وياه ومسكنا السعودي قلنا انت تعرف ذا اللي صرفت له خمسميه قال لا قلنا طيب دراهمك اللي طلعتها في ربطه كانت طبعا فئة ميه وميتين هي معك قال ايه قلنا طيب حنا نشوفه يوم خذاها منك قال وشو قلنا نعم تاكد من دراهمك ويتاكد الرجال الاوالله ان الدراهم رايح منها عشرين الف ونمسك النشال ذا الافريقي ونكتفه ونشله ونخبط به ونقوم نصيح تكفون يارجاجيل تكفون يارجاجيل الاوالله يوم قام يتفلت يبي ينحاش وشل ابوك حط ابوك المهم كان فيه قوة غير طبيعية بس الكثرة تغلب الشجاعة ولو ان المثل ذا مايقال له ولا ينطبق عليه لانه حرامي ونشال شوي الا والله يوم جاتنا الدورية ومسكوه وكان يقاومهم وفتشوه تفتيش مبدئي ولقوا في بطنه حزام لابسه وكانت فيه ازارير واجد ولا يندرى وش فيها بس ان الله نكبه وفضحه وهذي قصة حضرتها قبل شهرين في احد البنوك وسلامتكم واسف جدا على الاطالة

القحطاني - زائر

05:48 صباحاً 2006/06/22