سلام من مجهول قوم شرايد
للعاهل اللي كل شعبه يريده
اللي سمى بالمجد فوق القصايد
وفوق اعتبارات الزمان ونهيده
(الشيخ أبو متعب) حكيم ورايد
ريادة ماكل رام يصيده
ياما رمى بنفسه بوسط الشدايد
وعلا- على صغارالعقول العنيدة
(شيخ الشيوخ) اللي بالاندار سايد
شمس.. وهم حوله نجوم وليده
انت (الملك) لكن لقولي سنايد
صوت من الماضي نردد نشيده
(شيخ.. وإمام .. وبيرق) مدايد
سوالف الأجداد لازم نعيده
ياخادم (الرمزين) عفوك عوايد
إن زمت الرمية بنظم القصيدة
اطلب عسى عمرك طويل وزايد
وتعيش - بالصحة - سنين عديده
حنيت للماضي رسيخ العمايد
غصب على مثلي قديمه - جديده
ماقلت غير اللي نعرفه وكايد
بالحق- ياسيق العمل مع شهيده
اللي حباله ماتنوش العدايد
ياتيه من بيت الشرف ما يفيده
بيت السعود اللي شمخ بالحمايد
شيد على مجد العقول الرشيده
آل سعود وبس.. ماض وجدايد
إن ادلهمت بالرعود الشديده
(شيوخ العرب) رغم الحسد والمكايد
ورغم السنين اللي تبين حصيده
الكل منهم يبي عشرة قصايد
ولا يكفي غير مية قصيده
من جودهم تجود كل البدايد
ياشحت الأنفس بغالي رصيده
زعامة ما (سوقت) بالجرايد
أربع (قرون) والزعامة تليده
من يوم (طوسون) وجيشه طرايد
بانت فعايل ناصعين العقيده
ومن لاعلى ماضيه رمز وشهايد
الناس ما تقبل رموز جديده
التعليق مقفل لإنتهاء الفتره المحدده له
