يا مرحبا مليار مليار مليار
وأهلاً هلا إيلين ماله نهايه
بزيارتك يالحر يا نسل الاحرار
أجاء وسلمى رحبو بالبدايه
صحبك ولي العهد هو خير الاخيار
وأصحابكم ومن قال راسي فدايه
وأميرنا المحبوب ما هو بمحتار
دايم جهوده تنعكس بالمرايه
يا خادم البيتين يا مكرم الجار
وقفاتكم رمز الشرف والهدايه
ريف الضعوف اللي عنولك بالاسفار
أعطيتهم من خافقك في عنايه
والطغمة اللي فعلهم شر وأشرار
ضد الوطن ولدين الاسلام سايه
دعيتهم للرشد مرار ومرار
اما اهتدى والا للاشرار آيه
والمعتدي تعطيه من شعلة النار
دون الوطن أسس دروع وحمايه
سفينتك تعبر محيطات وبحار
العز رفرف راية فوق رايه
الشعب يدعو لك ويسجد بالاسحار
ويطلب لك التوفيق جهر وخفايه
نجدد لك البيعه بتقدير واقرار
الله يديمك للوطن والرعايه
انت المليك بن المليك بن الابرار
دستورك القرآن وسنة روايه
حلال قالات صعيبات وكبار
في حنكة في حكمة في درايه
خيراتكم هطالة مثل الامطار
وانت الذي مثل السحاب بسقايه
شهم ولد شهم زعيم وبيطار
يا قايد القوات وقت الرمايه
حمد وتسبيح وشكر لغفار
الرازق المنعم عظيم العطايه
صلوا على سيد البشر خير من سار
على ثرى الكوكب ليوم النهايه
التعليق مقفل لإنتهاء الفتره المحدده له
