دايم وغاراتك عليهم جريه

ترسل بسهم الموت والموت لانصاب

وسط الجروح المبطيات الندية

زنت السبب لو جيت اميز في الأسباب

ما بين تفريق الخوي عن خويه

وانت الذي خليت صاحين الألباب

مشتتين افكار صباح وعشيه

وأنت الذي صكيت في وجهي الباب

وبردت عزومي عقب ما هو قويه

صدمتني صدمة وانا خاطري طاب

أنت السبب وأنا حياتي ضحيه

خليتني تايه للأوهام طلاب

ووردتني بالعشق حوض المنيه

عرضت نفسي للمشاكل والانشاب

في رحلة ما بين هاذي وذيه

كني غريبا جالساً بين الأغراب

غريب روح ولا عرف له قضيه

وغيبت عني واحد ما بعد غاب

ذكره ولا حصلت في الناس زيه

أنا بغيابه خافقي راح وانصاب

ما اتحمل غيابه وليفي شويه

في غيبته جتني هواجيسي اسراب

وفي حضرته هبت هبوب عذيه

الصاحب اللي له رهيف الحشا ذاب

معطيه شعري والقصايد هديه

ظنيت ظني فيه والظن ما خاب

واثر الوفي دايم فعوله وفيه

هو صاحبي ما بين ربعي والاقراب

هو متعتي لا مر طيفه عليه

حبه غرام ما انكتب داخل كتاب

وعشقه اذيه يا حلاة الاذيه

كله نظر ما بين عيني والاهداب

وكله علا وسط العيون الشقيه

اشلون يا وقت الشقا جبت الاسباب

غيبت هذاك الخوي عن خويه