الأسبوع الماضي كان لغز الاسبوع من طرح الشاعر جسار مهدي السبيعي من الرياض.
والذي يقول:
انشدك عن رجل يجي ويروح ما فيه رجلين
اسبق من العبر وأريض من ظلال الهشيمة
له مسكن ما يقدر يجيه فيه الا الشياطين
يفرقهم الشاهد ولكن تجمعهم وسيمه
وقد توصل للحل شعراً كل من:
يامرحبا بك يالسبيعي مع رجال ميامين
والطيبة من جابها يلقا بها زود قيمة
واللغز وارد وتفكير أرمعه يافهيمين
يالله عسى فالك علينا فال خير وغنيمة
محمد بن عبدالرحمن (أبو دحيم) - البدائع
يامرحبا ترحيبة تعجب كبار السلاطين
بالشاعر البيطار جسار وبيوته حكيمه
الفكر في روس الرياجيل يجي حزات ويبين
تفكير واليا طرى لي وانا ساكن رحيمه
صلاح بن عبدالله اليابس
جسار حل اللغز ما يحتاج تخمين
الحل ياصلك اخذ رمعة حكيمة
هو الفكر ياصاحبي يابن العزيزين
فكري وعقلي قال لي رمعة سليمة
سلطان بن حمد ابوشقاق الحبابي - الطائف
يامرحبا ياشاعر جبت التي طرقها زين
جبت الطروق اللي تهيضني ترانيمه
في صفحة اخزامى مع الربع النشاما هلاوين
الحل تفكير اكيد لنا مرماع رمعه سليمة
زامل سالم البشري - الجبيل
في صفحة خزامى اللغز مطروح سطرا ببيتين
صاغة ابو مهدي للصفحة ببيوت سليمة
الحل تفكير جبت الحل من دون تخمين
وما كل من دش البحر صياد جاب الغنيمة
علي غنام الغنام - رياض الخبراء
سلام الله على اللي جاب اللغز مرحب وسهلين
عاداتكم ليسبيع نخوه وقوة عزيمة
انا حليت لغزك دون شك ولا فيه تخمين
احد يوفق بتفكيره واحد يلقى هزيمة
علي رشيد الرشيد - رياض الخبراء
كما توصل للحل نثراً:
طلال فالح الحربي - القصيم، منور ناجي المطيري - حفر الباطن، عليان شطي العنزي - عرعر، وسمي ساير العتيبي - الطائف، وليد فالح الحربي - القصيم، متعب محمد حماد العنزي - الرياض.
لغز الاسبوع
طرحه للصفحة عمر بن عبدالرحمن الفارس السبيعي من مكة المكرمة ويقول:
يابيطار الشعر منهي ذا الحكومة بلاعسكر
تعتمد على الله الباري سبحانه معظم شانه
ثم اثنين ومعهم ثالث والثالث اصقه ما يبصر
وان عرفتو ذا الحكومة علمونا ترجمانه
مير حذرى من ملكها من هواه وثم يفجر
وكان المفتي به رزاته رده عن زايد طغيانه
نستقبل الحلول على فاكس 4871070 خزامى الصحاري - لغز الاسبوع.
التعليق مقفل لإنتهاء الفتره المحدده له
