الإهداء:
إلى مقام خادم الحرمين الشريفين الملك عبدالله بن عبدالعزيز آل سعود حفظه الله.. بمناسبة إنشاء صندوق لذوي الدخل المحدود ومتابعته من لدنه أطال الله عمره.
٭ ٭ ٭ ٭
بابو الشعب ما قصرت لا والله ما قصرت
قدومك قدوم المزن ديم سحايبها
على المملكة تمطر هما ليل ما انجزت
بعطفك وجود الكف نالت عجايبها
تمام المسيرة يابو متعب لها واصلت
بخير على خير أبهمتك جايبها
وما يرفع الدولة بمجد الفخر عمرت
تبي دولة في الصف الأول ركايبها
أنا أشهد شهادة حق إنك لها كملت
مطاليبها واللي تعاني مصايبها
بصدق النوايا الصافية يا ملكنا سرت
صعود المخاطر سيدي ما أنت هايبها
شفافي في الكلمة ومنطق حكم ما قلت
وهرجه صدوق من شفاياك ذايبها
حمكت فعدلت فوفقك ربنا فاجزلت
وسخيت ابعطايا الجم محد إبجايبها
يابو متعب لو تعلم الشعب يوم أفرحت
خليت النفوس أتطيب وانته إمطيبها
ذوي الراتب المحدود ساندتهم واسعدت
عوايل فقارا قل مدخال شايبها
هذي بادرة ما قبلها فاعل كون انت
وذا الظن الأحسن فيك مانته مخيبها
رعاك الله يوم إنك لكل الهموم اعدمت
وحاجة جميع الشعب زالت نوايبها
خلقك الله للرحمة وللكايدة ذللت
وعشقت الشهامة دايماً ما تغايبها
مالنا الا انت بظروف الزمن لاجدبت سهلت
طيب خبير في معالج عقايبها
يا خادم حرم مكة وطيبة ابفعلك نلت
وسام الشرف والطيبة حزت صايبها
عسى الله يطول عمرك ويحفظك وأحسنت
بخير ويلبسك العوافي وأطايبها
أود امدحك لاشك يابو متعب قصرت
مزاياك للعليا أولوفٍ غرايبها
أقوله وأنا من شعب لك مخلص لاهنت
لك السمع والطاعة مع العهد نايبها
وادي الدواسر - اللدام
عبدالله بن حمير آل سابر الدوسري
التعليق مقفل لإنتهاء الفتره المحدده له
