يامهات الروض عندي لك رساله
سجليها للزمن باقصى الخفوق
في نظام الحب مافيه استحاله
دام فيه اثنين عاشق ومعشوق
تحت سقف الحب عاشوا في ظلاله
في مشاعر بعض يرفون الفتوق
لايغرك وجد شاعر في مقاله
واجد الشعار واغلبهم سروق
فيهم اللي يكتب الشعر بجزاله
وفيهم اللي يشتري نظم الطروق
اصلا انتِ حسنك الطاغي لحاله
يستميل الوصف له من كل بوق
اسأليني كان ودك بالاطاله
قولي اش معنى انا عندي فروق
انتِ اجمل من تغشاني جماله
وانتِ اجمل مارأت عين مخلوق
ماحدٍ غيرك سلب عقلي دلاله
ولاحدٍ غيرك حوى من كل ذوق
فيك معنى الزين كله والاصاله
كل شي فيك لعيوني يروق
وكان قلبك ذل قلبي في وصاله
شلت حبك لوجرى وسط العروق
كنك انتِ بس في غرب وشماله
كنك انتِ في جنوبه والشروق
واجد الحلوات ياشبه الغزاله
بس أنا في وصلهن ماني شفوق
اعرف دروب الشرف مابي جهاله
واعرف اشلون الوفا لاهل الحقوق
اعشق اهل الطيب راعين الشكاله
واحشم اللي في رضا ربه سبوق
اطرب لشوف الجمال بكل حاله
واعشق القمراء وافز مع البروق
اكره دروب المعاصي والضلاله
واكره الكذاب والنذل السروق
هكذا طبعي ولاحب النذاله
النذاله ماتجي باحد صدوق
اعبد الله واحمده رب الجلاله
وان بغيت الصعب عندي مايعوق
واضح مبداي وانتِ فيك حاله
ماتعرفين النجاة من الغروق
اسمعيني كان ودك بالجماله
مايصون الحب من ينوي يبوق
من يعيب الناس مايرفى خماله
كل واحد به عيوب وبه طقوق
تمت اوسف اذا فيها اطاله
قلت يمكن لاقرت تهدا وتروق
التعليق مقفل لإنتهاء الفتره المحدده له
