مرثية في الشيخ/ جدي بن مناحي بن زريبه العتيبي - رحمه الله:
يا الله يا اللي كل حي يسألك
يا الواحد المعبود يا مالك الملك
لطفك ليا ضاقت علينا المسالك
ورحمتك يا رحمن يا مجري الفلك
المغفرة والعفو جل جلالك
نرفع يدينا والرجا من فضايلك
يالحزن لفيت الوجيه بظلالك
وبانت على وجيه النشاما دلايلك
بعد رحيلك يا جدي وارتحالك
يا شيخ يا اللي هامت المجد منزلك
ما في يدينا حل غير الدعا لك
يجبر عزانا فيك والله يحللك
يا غيثنا اللي من تضايق لجالك
يا درعنا اللي ما تعدد جمايلك
يا اللي تباشير الوفاء في قبالك
كل الصفات الطيبه من خصايلك
بذلت جاهك فالمواقف ومالك
كم من دريكن عقب فزعتك قبلك
مرحوم ياللي كل ما جا مجالك
نرفع مقامك ونتحاشا نزعلك
والموت حق وعندنا ما بقالك
إلا مكاسر طيب وافي فعايلك
ولو مت تبقى حي والعز فالك
انته وريث المجد الأول من أولك
وحنا عزانا والبقا في عيالك
واخوانك اللي كل واحد يمثلك
ذخر الرجال اللي تدوس المهالك
سلايل الأمجاد وايضا سلايلك
ومرحوم يا اللي كل ما جا مجالك
نرفع مقامك ونتحاشا نزعلك
خالد عبدالله المهيدلي
التعليق مقفل لإنتهاء الفتره المحدده له
