دخلت على «أبي بر»، فوجدته أمام علب أدوية من كل نوع، والى يمينه ورقة كان قد كتب عليها قائمة من الأسماء.

سألته:

- ما هذه الأدوية يا أبا بر؟! كأنك تستعد لإنشاء صيدلية؟!

أجابني:

- صيدلية؟! أي والله صيدلية. هذي أدويتي وأدوية المدام يا كمخة.

- بدأنا بالزعل؟!! أنا أسألك مجرد سؤال.

- وهذاني جاوبتك. زين؟!

- وماذا تكتب على هذه الأوراق؟!

- أكتب أسماء الأدوية، علشان ناوي أرفعها لوزارة الصحة.

- لوزارة الصحة؟!! خير ان شاء الله؟!

- يا أخي، ذبحتنا هالوزارة. كل يوم طالعين لنا بمنع لدواء كنا نلهمه كل يوم، سنين وسنين.

- انت تقصد الباندول اكسترا؟!!

- وقبله الأسبرين، وبعض أدوية الضغط، وش أقول وش أخلّي. يعني الواحد كيف تكون حالته اذا عرف أن الدواء اللي كان يلهطه لهط، ليل نهار، شهر وراء شهر، سنة وراء سنة، طلع ما هوب زين، وإلاّ يؤثر على الكبد او الكلاوي أو الطحال؟!

- معك حق يا أبا بر، معك كل الحق.

- علشان كذا أبغى ارسل للوزارة أسماء أدويتي وأدوية المدام. خلهم يراجعونها. يمكن يطلع واحد او اثنين او ثلاثة من الأدوية مثل البنادول اكسترا، ونروح فيها طعام جحوش!