للجار حق ولازم أنك تزوره
لي انقطع عنك ولاجتك الأخبار
تسأل عن أحواله وتقضي أموره
ترى النبي أوصى على سابع الجار
واجب وتفرضها عليك المجوره
انك تسوق أقدام رجليك للدار
ترى الزيارة واجبه في الضروره
حتى تلمّس حاجة الجار بإصرار
تصير حوله تحت أمره وشوره
تكسب جميل فيه بترحيبك الحار
وترى سرورك مرتبط في سروره
ما ظنتي في موقف الخير تحتار
المسلم المؤمن كريم شعوره
يطلب رضا الرحمن في كل ما صار
يطلب رضا اللي مالنا غير نوره
علام كل الغيب نزّال الأمطار
عيني تسابق خطوتي قبل أزوره
ويرتاح بالي لين جيته على الدار
خلوفة محمد علي الياسين
