يقول الشاعر اللي وان دعوه لما قفه ما غاب
من ارجالن تسوق ارواحها من دون واجبها
سعودي يعاهد دولته ويندد الارهاب
يموت ولا يخون ارضن تربى في مناكبها
شباب ومن غرابيل الزمن راس المعناء شاب
تلوعه الليالي لين علمته تجاربها
انا مما جرى في المملكة مستغربن منصاب
وانا من قبل اشوف اللي جرى ربعي مكذبها
على التخريب والاجرام يسعى المفسد الكذاب
عدو يدعي الاسلام وارض الله يخربها
يعادي دولة تحكم بشرع الله بدون اسباب
من ديار اليهود يجيك بأسلحته مهربها
عقب ما لوثوا مخه وحطوه آلة بثياب
مبرمجة عداوتهم بمخه يوم جاك بها
يحسب انه يبي يترك على فعله بدون حساب
ورجال الامن في وجه العدى تاقف كتايبها
وطنا نبذل الارواح من دونك ولا ترتاب
شهادة في سبيل الله حضيض من يفوز بها
وطنا كل شبر منك دولة تاقف الاشناب
رجال ساهرة لجل الوطن تفتل شواربها
براي اهل الوفا حكامنا ومعربين انساب
بحكم آل سعود المملكة فأعلى مراتبها
ملوك عزوا الاسلام واله عزهم ثم طاب
لنا العيش بأمن من شرق دولتنا لمغربها
وهبنا حبهم ولهم ولاءنا والله الوهاب
وعسى الله شمسهم عن مملكتنا ما يغيبها
ويتوب الله سبحانه عن المذنب لمنه تاب
بيدينن تطلبك يالله تكفى لا تخيبها
نهيتان مزعل العتيبي
