بالشـعـر يمـكـن ينـفـتـح لك مجـالات

ومـن بيـنـك وبــيـنـه يـصـيـر اتـفـاقي

في خاطري موضوع في نظم الأبـيات

يمكن يفيـد أهـل البـلـد والـطـراقـي

وقـت اللـقـاء تحـتـاج أمـورٍ مـهـمـات

احـرص لـهـا والـخـيـر بالـنـاس بــاقي

حــاول لخـطـواتـك تـرتـب مـسـارات

وتـوفـيـقـك مـن الله وبـأمـره يـسـاقي

دوّر رضــا الـمـعـبـود رب السـمــوات

يــرزقـك فـي حكـمـة وبأسـلوب راقي

حسن التـعـامـل والنـوايا السـلـيـمات

تـرفـع مـقــامـك بالـلـقــاء والـفــراقي

وأحـسـن ظنونك والعواقب حمـيدات

نـفـسـك لا تـرهـنـهـا بـمــا لا يـطــاقي

وسـع خـيـالـك لا يـجــي فيـك شكات

خـل الثـقـه عنـدك على أوسع نطـاقي

اطـلق حـجـاجـك والـلـيـالي قـصيرات

وابـعـد عـن الشـرهـات وقـت الـتـلاقي

لا بــد مـا تـحـتــار فـي بـعـض الأوقات

ومـن كــان لله نـيــتـه مــا اسـتـضــاقي

وإن وافـقـك نــاسٍ بـهـم حــب لـلذات

غـيــر الـعــنـا بأسـبـابـهــم ويــش لاقي

لا تـنــزعــج لا شــفـت بعض الـحـركات

مـن نـاس فـي تـفـكـيـرهــا الانـغـلاقي

لا يــمــكـن تـغـيـر طــبــايـع وعــادات

حتى ولو قـيل اهتدى أهــل الـنــفـاقي

قدمت موجز واختصـرت الـمـسـافـات

ومـعـنــاه مــا حـطــيــت دونــه رواقي..