كتب بيت الأسبوع الماضي للصفحة الشاعر حمد عبدالله الوايلي من حوطة سدير، ويقول حول مدى اهتمام الدولة - حفظها الله - بسلامة المواطنين والمقيمين على حد سواء من خلال الإنفاق والجاهزية الطبية المذهلة عقب انتشار جائحة كورونا والذي يقول:

تعامل المملكه مع شعبها وافي

شوف الوفا يوم حل الجايحه فيها

وكان صدى البيت من الشعراء:

لين أصبح العز بالاوطان ينشافي

نشكر عملهم وبالأرواح نفديها

قاموا بجمع من الخدمات هتافي

مافيه نقص من الخدمات نبغيها

كل يتابع حتى يصير متعافي

أفعالهم ما حد يقدر يسويها

على الرشيد - رياض الخبراء

يا لله تنصر بلدنا حكمها ضافي

يسعد بها اهل البلد واللي سكن فيها

و احفظ بلدنا من الحُساد والهافي

حتى تواصل في العُليا معاليها

سكانها من كرام الناس و اشرافي

من كل مكروه يا ربي تعديها

محمد عبدالله الشهري - أبها

دار الكرم دار جود وصيتها كافي

يحرسها ربي الهي ثم يحميها

ضحت علشان يبقى الكل متعافي

ياحي من فكره وياطيب راعيها

معروف وافي طبع يسمع وينشافي

رمز الوفى مجد للاجيال تحكيها

صالح محمد محارب البشري - الرياض

تافي معا شعبها وهي شعبها وافي

مهما عمل شعبها موب موفيها

وفاء الحكومه لنا واضح وينشافي

حن نشكر افعالها ماحن بنخفيها

حتى المخالف يجي عادي ولا خافي

يالله على افعالها بلخير تجزيها

نسمع لبعض الدول ونقول ياكافي

شف شعبها من الكرونا رايحن فيها

سعد صنهات السهلي - الدرعية

المملكه دايمٍ نموذجٍ وافي

بمواجهات الحدث من عهد بانيها

والمملكه من فضايل ربنا الشافي

الجايحه وسطها أوشك تعافيها

كلٍ شكر جهدها من كل الاطرافي

إبن الوطن او مقيمٍ ساكنٍ فيها

وباسلوب طبي ونفسيٍ وعرافي

الله من رحمته كلل مساعيها

سعود عائش التميمي الحربي - جدة

جاك الخبر وافتهم للعلم يالوافي

وترى السلوم الخطأ محدن يدانيها

هذا المرض مخطر ن نقول ياكافي

هو صاب بعض البشر الله يشافيها

الله من واحد لاجاه خوافي

ومن طاع ربه ترى الخيرات لاقيها

محمد عبدالعزيز الخنيفر - أشيقر

والفضل كله يعود لربنا الشافي

والجايحه ياعسى الخلاق ينهيها

واقول ناسن لها طلعات تنعافي

تكفون ياربعنا لازم نجازيها

وبعض البشر مايعرف الدرب ياكافي

لازم يعرف الدروب اللي مشى فيها

ريان بن محمد الخنيفر - أشيقر

المملكه ماقصرت خيرها ضافي

ماقصرت لشعبها والمقيم فيها

وشعب تكاتف صح يناس ماخافي

يلقى الامان واعط القوس باريها

قال الربيعه تعاونوا والله الشافي

خلك بيتك و تابع الاخبار وش فيها

جهوده اللي واضحه حيه سنافي

وزير صحه ورجله اليوم محفيها

خليف فهيد الحربي - الرياض

هناك إيميل للشاعر ناصر جمعان آل عوض من وادي الدواسر تعذر فتحه مع شغفنا لمعرفة مشاركته كما عودنا على الصدى الجميل.

«بيت الاسبوع»

كتبه محرر الصفحة حول القرار العالمي الشجاع من حكومة خادم الحرمين الشريفين الملك سلمان بن عبدالعزيز وولي عهده الأمير محمد بن سلمان - حفظهما الله - وذلك في اقتصار الحج على حجاج الداخل من المواطنين والمقيمين كإجراء احترازي سديد.

والبيت يقول:

لاجل السلامه حكومتنا توجهنا

والحج ملحوق والله يكتب الخيره

نستقبل صدى هذا البيت بهذه المناسبة خلال أربعة أيام من نشر البيت على إيميل الصفحة:

rb-khozama@alriyadh.com