كتب لغز الأسبوع الشاعر سعد صنهات السهلي من الدرعية، الذي يقول:

انشدك عن رجلاً صدوق بكلامه

وانته على كيفك تطيعه وتعصاه

كنه يعلم الغيب باللي امامه

قولن يقوله صح بالعين شفناه

وعلى الرغم من استقبال 37 حلا للغز إلا أن الرمعات الصحيحة فقط:

حييت ياوجه السعد والشهامه

ياللي صنعت اللغز حبك بمعناه

آظنه اللي مثل راس الحمامه

لوكيشنك بدلالته لاعدمناه

أحمد بن ناصر المحرج - الرياض

ياللي حبكت اللغز بليا علامه

لاكن على ماقيل لا بد نلقاه

لقيت حله ياصلك بالسلامه

عبر الجوال لوكيشنك لا تعداه

خليف فهيد الحربي - الرياض

قريت لغز للاماكن علامة

يعلم الغادي طريقه وينصاه

القارمن حله ونسمع كلامه

خير على العالم كثيرة مزاياه

علي الرشيد - رياض الخبر اء

اللغز واضح ياسعد بالعلامه

أنته تقول القول وتجيد معناه

جوال يطرب صاحبه في نغامه

لاكتب له موقعن صاحبه جاه

ماطر مطر العمري - الرياض

لغزك دليله وانت تعرف نظامه

القارمن و اللي نريده لقيناه

هذا جهاز الكهرباء و هو طعامه

خلك نبيهه مخططه لا تعداه

محمد بن عبد الرحمن أبو دحيم - البدائع

لغز الأسبوع

كتبه للصفحة الأخ منصور شليويح العنزي من الرياض ويقول:

ياويش رجل وسط الاجواد موجود

من المستحيل تحصله وسط ديره

في وقفته هيبه وله فعل مشهود

ويشيل بعض احيان بنت صغيره

نستقبل الرمعات والحلول خلال أربعة أيام من نشر اللغز على الإيميل:

rb-khozama@alriyadh.com