‏انت ملهم أجزل ابيات القصايد

وأنت من صاغ العذوبة في الشعر

‏سطر الشعار في وصفك قلايد

شعر ما قبله ولا بعده يمر

‏في وصوفك تنسكب حلو الفرايد

والقوافي كنها نظم الدرر

‏من بنات الفكر تلفيك الجدايد

وعن بحور الشعر تختص ببحر

‏تعسف الافكار لو كانت شرايد

لين تصبح كلها طوع الفكر

‏في خيال الفكر لك تمجيد قايد

قايدٍ امره مطاع و معتبر

‏أنت من خلى السهر سلم وعوايد

وأنت من غير مفاهيم السهر

‏منك صار الناس ترغب كل كايد

وسيرةٍ ما جابتك ما تنذكر

‏في البهاء من فوق حد الوصف زايد

وفالنظارة زدت عن ضوء القمر

‏عن وصوف الغير لك وصفٍ محايد 

منفرد بالحسن عن باقي البشر

‏الشعر لو ينعدم كل الفوايد

‏   لأنكتب لك صار شيء من السحر

حامد الحمراني