بيت هذا الأسبوع للشاعر حاتم الشاهر من الرياض حول بداية الموسم الدراسي والتهيئة النفسية للطلاب ويقول:

الحمد لله درسنا في أمان وخير

يوم من حولنا يصبح على هدم بيت

وكان صدى البيت من الشعراء:

يابْن الوطن حثِّ عزْمك وِجِدِّ المسِير

إن كان تنشد مَعَ الأفذاذ مركز وصيت

اسلك طريق المعارف دام عمرك صغير

حتى ولو في سبيل العلم نارِ اصطليت

هذي بلدنا لها جهدٍ ودورٍ كبير

يشهد لها مشْعَل التعليم في كل بيت

ناصر جمعان آل عوض - وادي الدواسر

في ظل قاداتنا في خير دايم نسير

في عز وأمن وأمان بأي درب مشيت

كل شيء موفرينه بالمقاس الكبير

من وين ما رحت والا بأي أرض وطيت

علي الرشيد - رياض الخبراء

عدنا بخير ونشاط وللمعالي نسير

بدار بها الخير احبه واعشقه ما حييت

في ظل سلمان وضد اللي حسود ويغير

سلماننا معه حنا أن رضيت ام ابيت

محمد بن عبد العزيز الخنيفر- أشيقر

عام لفانا هلابه بالورود وعبير

والكل جاهز ويالشاعر في قولك وفيت

الدرب واحد وافهم والسعودي جدير

ومن نوى الشر ضايع على نفسك جنيت

ريان بن محمد الخنيفر

بيت الأسبوع

كتبه الشاعر ناصر جمعان آل عوض من وادي الدواسر حول بداية عام هجري جديد مليء بالتفاؤل والطموح ويقول:

عامٍ جديدٍ علّ بايّامهِ الخير

يسْعَد بهِ القايد ويسْعد بهِ الشّعْب

نستقبل صدى هذا البيت ببيتين تدور حول هذا الموضوع، وخلال أربعة أيام من نشر البيت.

ويفضل الإرسال عبر الإيميل:

rb-khozama@alriyadh.com