صور شاعرية

هب البراد وقالوا سهيل قِد شيف

اختيار وتصوير - إبراهيم الجبر

هب البراد وقالوا سهيل قِد شيف

وأهل الولع قامت تجمّع اعددها

يازين شبّه نارهم والسواليف

والبعد عن روتينها مع نِكَدها

وأول بكور الوسم جاله ترافيف

ما ينفصل برّاقها من رعدها

من الساحل الغربي إلى حرّة طريف

ومن الجنوب إلى النفود وقعدها

سيله مع الوديان جاي ٍله وْحيف

دارٍ يمسّيها ودارٍ يْهَجدها

هبّت له الشرقي بليّا عواصيف

والأرض من ربي لقاها سَعّدْها

ونهار تاسع شوفته بالتواصيف

غطىّ الجبال بْخضرته مع لَهدْها

وتبدلت عقب الدهر كلها ريف

وزانت مماشيها على من قِصدْها

شعر: مسند مازن الميزاني






مواد ذات صله

Image

بلادي آمري حنا جنودك

Image

الأمــــــل

Image

«لص سنة الهدام» يلقى جزاءه في بريدة

Image

قطوف من تراثنا الأدبي وموروثنا الشعبي

Image

يا صاحبي في وقفتك كيف أجازيك.. للعتيبي

Image

يقول من عدى علـى راس عالـي







التعليقات





انتهت الفترة المسموحة للتعليق على الموضوع