يارب سامحني وانا كلي ذنوب

عبدك وﻻاملك من حياتي وﻻشي

اربع عقود وكل ماقلت اباتوب

تاخذني الغفله على شاطي الغي

واسج في دنيا لها عين رعبوب

من وين مالديت يسحرني الضي

مره على كيفي ومرات مغصوب

وان قلت يانفسي.. تقول اصبر شوي

واشوي بعد اشوي والعمر محسوب

وقيظ الظﻻل بداخلي يوجع الفي

واسهر على كاس الندم همي قروب

مثل السقيم اللي وصل عظمه الكي

يالله دخيلك قبل يقلون مطلوب

وﻻعاد ينفع ﻻ ولد عمن وخي

واجيك ياربي وانا كلي عيوب

ماحيلتي ياكود رحمتك ياحي

شعر مفلح نجم