يا شين فرقى من تحبه الى طال

لاابطى عليك ايام ماكن تحريت

تهواه ترقب جيّته تسهر ليال

وياما حلا شوفه الى عنّه ابطيت

عـوّد عليّ ارجوك ياطيّب الفال

وشبك حياتي في بعادك تماديت

انا الغريق اللي بداء يرقب الجال

وانا الصويب اللي حشا ماتشافيت

ترى الغياب ان طال ما يبري الحال

اقبلت لك مشتاق والمشكل اقفيت

اشربك شهدٍ بالحلا عندي زلال

وياما من دلالك غلا قد تقهويت

من سبتك شفني بلا فيء وظلال

اهيم في حبّك ولارحت لاجيت

اسهر واجادل نفسي الليل بجدال

وانت المريح اللي عليّ كن ما اخطيت

اسافـر بدنيـاك واعيشـك آمـال

والـ طيفك ازهم ياعسى تقول لي جيت

مكانـك اللي بالمحـاني ولازال

مهما يطول الصد مهما تناسيت

عبدالكريم ابن خزيّـم