يسقي الفياض الممحله طول الازمان

نواف بن محمد الصخابرة

يالله عسى نواً تنشا مسيان

يهل وبله من ثقال النصوبي

ويسقي الفياض الممحله طول الازمان

اللي كلاها الدهر من كل صوبي

والعشب يكسيها له اشكال والوان

عقب السحاب اللي عليها صبوبي

برض(ن) لها قلبي من الشوق ولهان

أحبها واعمر عليها دروبي

واسج فيها عن همومي والاحزان

وعن موقع(ن) كني عليه مغصوبي

واشب ضو الكيف في راس ما بان

واقند دلالي بكيف(ن) جنوبي

كيف(ن) يخلي ضايق البال طربان

ويبعد عن القلب المعنى الكروبي

هذا هواي وكل نفس(ن) لها شان

والقلب من حب الخلا ما يتوبي

نواف بن محمد الصخابرة






مواد ذات صله

Image

يا صاحبي في وقفتك كيف أجازيك.. للعتيبي

Image

كل شي يهون غير المفارق ما يهون

Image

جعل روحه في الجِنان العاليات

Image

الحل فيضة موقعه بالمحيري

Image

باب الحاء الثلاثي 1







التعليقات





انتهت الفترة المسموحة للتعليق على الموضوع