كتب بيت الأسبوع الماضي معد الزاوية حول موقف المملكة من نصرة القدس الشريف على المدى البعيد ويقول البيت:

من عهد عبدالعزيز لحكم سلماني

والمملكة ثابت للقدس موقفها

هذي حقيقه ويخسى ذيل الإيراني

ناقف مع القدس ميقافٍ يشرفها

سعيد العمودي - حائل

المملكه في حماها كل الاوطاني

عاشت بلادي عليها العز يترفها

حمد عبدالله الوايلي - حوطة سدير

الصقر خلّف له صقور وشجعاني

ولقدسنا مدّهم والكل يعرفها

محمد بن عبد العزيز الخنيفر - أشيقر

المملكه نصْرة الإسلام لاهاني

والقدس سلمان وقفاته يشرفها

مشعل بن صنت العصيمي- الخرج

صرّح بها خادم البيتين سلماني

نفدي فلسطين وِنْأَيِّد مُواقفها

ناصر جمعان آل عوض - وادي الدواسر

من عهد الامام حتى عهد سلماني

والمملكه واقفه للقدس تسعفها

خليف فهيد الحربي - الرياض

مواقف المملكة في كل ميداني

حتى لو الموقف الطيب يكلفها

محمد مبارك أبوعجرا - المضة

بيت الأسبوع

صاغه محرر الزاوية بمناسبة مهرجان الجنادرية للتراث والثقافة 32 ويقول:

بجنادريتنا ثنين وثلاثين

احياء لموروث شقوا فيه الاجداد

نستقبل صدى هذا البيت ببيت واحد فقط يدور حول هذا الموضوع وخلال أربعة أيام من نشر البيت.

ويفضل الإرسال عبر الإيميل:

rb-khozama@alriyadh.com

ونرحب بطرح بيت الأسبوع.