زان الطبيعية ريم زينٍ على زين

ريمٍ جماله بالجزيرة سلالات

فيه الرشاقه والحسن قمّة الزين

وجميعهن في خانة النادرات

وللبر والاجداد حــــــبٍ ملايين

وصحبة وجودٍ رسختهم علاقات

بأرضٍ غلاها ماختلف فيه الاثنين

ولسج القدم فيها متاع وطروات

سعود عائش الحربي - جدة

إي والله اللي شدني صــــــــورة الريم

تلهب مشاعر شوق صدقٍ والإحساس

صرت أتذكر عشـــــــق يا ريم وأهيم

في كل وقت وخص لاهب نسناس

خالد الحارثي - الطائف

الا ياغزالٍ طاول الوقفه على عاليه

يدور كلاه وكل شييٍ على حــــــله

حداه الزمان الشين ودور على تاليه

ويا الله ياللي لك المخاليق منذله

الواحد المعبود خالق الكون واليه

عجل بنواً على الشـــــــعبان وتهله

حمد عبدالله الوايلي - حوطة سدير

الله يجيب المطر والسيل

يسقي الديار الســـــعوديه

يا ظبي يا للي ضواه الليل

وترعى الغصان السماويه

امصور وشاطرن بالحيل

والرســم بألــــــوان زيتيــــــــه

عبدالكريم عبدالرحمن السلوم - القرائن

زاد الطبيعة زين هــــــذا الغــــــزال

منهو يصيده صدق يلقى الغناتي

فيه الرشاقه واقفٍ طـول مامال

ظبي الوصايف كامله والحلاتي

فواز سعود الحربي

قلّ المطر ياصاحبي شيّن الحال

اﻷرض قفراء والمــــــــوارد قليلـــــه

والريم مدت عمرها تقــــــل رجال

تأكل من الأشجار صوره جميله

يا زينها في طولها ما به جدال

تبكي لها كل القلــــــوب العليله

يالله طلبتك ترحم الحال والمال

وتعجـــــــــل بنـــــــــواً تزايد مخـــيله

خالد ناصر المخيمر - روضة سدير

متميزٍ بالحسن يا ناس لا زال

ياما من قلوبٍ دواها صعيبه

سبب لها آلام وجروح واعلال

من عشق ريمٍ بالمحاسن غريبه

سعد ناصر المسفر

هذا الغزال اللي له الروح تشــــــــتاق

وتضرب به الأمثال في كل حالي

يازين حسنه خص في طول الأعناق

هذا هو اللي صدق بالحيل غالي

بشائر القحطاني - الرياض

نرحب بمشاركاتكم الشعرية وما تلتقطه عدساتكم من الصور الهادفة والطريفة على إيميل الخزامى:

rb-khozama@alriyadh.com

صورة العدد السابق