كلنا لأجل الوطن لازم نغار

المنتخب السعودي تصدر مجموعته وتأهل إلى نهائيات آسيا 2019
محمد الخنيفر

التأهل صار وانزاح الستار

والفرح لابطالنا وللكل بان

مملكتنا وافرحي جعلك عمار

دامت الافراح في عز وامان

ونحمد الله لروسيا زان المسار

شاركونا أخواننا والجو زان

ذي رسالة وافهموها باختصار

تاصل الغالين ورجال الكيان

المدرب وجهوا له بالخيار

إن بغى المجلاس يثبت بالمكان

ويترك السفرات لبعيد الديار

ما يروح بعيد ويخلص للكيان

وما نبي التقصير لا يفوت القطار

وكل واحد للخضر يصبح مدان

ما نبي الأهمال مع لف ودوار

واظبوا ثم واظبوا خلوا الهوان

كل لاعب لابسن أغلى شعار

ولا نبي المهمل ترى ماله مكان

والغياب اللي نشوفه كيف صار

واجب التاديب لايفوت الاوان

ومن مشى هالدرب يتلوه انهيار

الوطن غالي ولا يمكن يخان

وبالملاعب كم نشوف الانحدار

بمنظر يخجل وبالمعنى مهان

الوطن غالي ودوم(ن) له وقار

وعادة القصات صاحبها مدان

منظر فاشل وكم فيه احتقار

وين ماضينا واشهد يا زمان

ذي بلاد الدين عزه وانتصار

والميوعة وسطنا ماله مكان

سمعة "الأخضر" لها قدر ووقار

الوطن غالي ولا يمكن يهان

البطل لا يضيع ثم يصبح دمار

ما مضى خلوه والجاي امتحان

كلنا لأجل الوطن واجب نغار

نزرع الإخلاص ودايم له عوان

اذكروا الماضين عز وانتصار

ياحلو عصر مضى ذاك الزمان

الدروب طوال ولاهيب القصار

المواظب واجب وكثر المران

ذي رساله ياطويلين العمار

افزعوا لأجل الخضر وبلا هوان

واطلب الله دايمن سر وجهار

ينصر بلادي ودايم في امان












التعليقات





انتهت الفترة المسموحة للتعليق على الموضوع